Os animais domésticos son aqueles que viven co ser humano e están domésticados.
O primeiro animal doméstico foi o can, pero agora hai unha gran variedade de animais domésticos.
Tanto moitos animais de compañía, como os animais de granxa, pertencen ao grupo de animais domésticos.
Polo tanto, non só son animais domésticos os cans ou os gatos, tamén podemos considerar animais domésticos ás vacas, as ovellas ou as cabras, por exemplo.
Gato doméstico:
O gato doméstico é un animal de pequeno tamaño que pesa de media uns 5 kg, aínda que existen variacións segundo as razas e o sexo. Os machos son algo maiores que as femias, polo que pesan algo máis que as súas compañeiras.
O gato doméstico ten unha lonxitude duns 50 cm, sen contar a cola. Se temos en conta a cola, o gato doméstico mide uns 80 cm, xa que a súa cola ten uns 30 cm de longo; aínda que loxicamente existen variacións segundo a raza coa que tratemos.O gato é un mamífero da familia dos félidos, como o león, o tigre, o guepardo ou o lince. Diso dedícese que l a familia dos félidos é moi variada, xa que existen felinos pequenos como o gato montés, que mide 70 cm de lonxitude e outros xigantescos como o tigre siberiano de 2,5 m de longo.Tanto o gato doméstico, como os gatos salvaxes: o gato montés (ou gato salvaxe europeo) e o gato salvaxe africano, pertencen á mesma especie: Felis silvestris; só que son subespecies distintas todas elas. É dicir, o gato doméstico non é máis que unha subespecie dos gatos silvestres.
O CAN:
Debido á gran cantidade de razas que existen (máis de 300), hai unha gran variedade de cans, de distinto peso e tamaño, polo que é difícil establecer un peso e altura media.A raza de can máis pequeno, a Chihuahua, pesa uns 2 kg e mide uns 17 cm de altura.No outro extremo, está o San Bernardo con 70 kg de peso e 75 cm de altura media.Entre os dous extremos constituídos pola Chihuahua e o San Bernardo hai unha gran cantidade de valores intermedios. Como cans de tamaño medio, por citar algúns exemplos, temos o Dálmata cuns 25 kg de peso e 57 cm de altura, o Samoyedo, que ten un peso de 26 kg e unha altura de 50 cm ou o Bull Terrier cun peso e unha altura moi parecidos ao Samoyedo.
HÁMSTER:
O hámster é un roedor da familia dos múridos, da especie Mesocricetus auratus.O hámster é orixinario de Siria, da Asia menor e do Cáucaso; nas estepas e desertos. Existen varias razas de hámsters, como por exemplo, o hámster dourado ou hámster común, o hámster chinés, o hámster ruso, o hámster Campell ou o hámster Roborowski.A talla dos hámsters varía segundo a raza. Así, o hámster común acada os 15 cm. A lonxitude da cola é de 1 cm. Pesa entre 120 e 180 g. O hámster chinés mide 11 cm.
CANARIO:
O canario pertence á familia dos fringílidos, mide 12 cm de lonxitude.O canario pode emitir os seus cantos grazas á siringe, o seu órgano de fonación. O canario é unha ave cantora grazas a que pertence ao grupo dos paxaros (paseriformes). É o macho quen canta, a partir dos 6 meses de vida. É orixinario das illas Canarias, das illas Madeira e das illas Azores. O canario ten unha lonxevidade de 10 anos, aproximadamente.
PEIXE VERMELLO:
O peixe Carassius auratus ou peixe vermello mide 15 cm de lonxitude.Vive en grupos, porque son bastantes sociables, podémolo manter xunto con outras especies como, coridoras, barbos, etc. Pero, nunca debe estar en compañía de especies máis agresivas, xa que trátalle dun peixe moi tranquilo.O peixe vermello é orixinario de China.A lonxevidade do peixe vermello é de 25 anos en catividade.
